13.12.2012, 14:24 „Микросам“ ќе прави делови за рускиот патнички авион „МС-21“
„Микросам“ од Прилеп извести дека ќе произведе машина што ќе се користи за создавање карбонски авиоделови од опашката на рускиот авион „МС-21“. Со оваа машина се избегнува рачната работа во производството на опашката на авионот, односно целиот процес е автоматизиран со што се исклучува веројатноста од технички грешки предизвикани од човечка рака.
Целосната проекција на машината, изработката на софтверот и обуката на кадарот за ракување со машината се дел од обврските на „Микросам“ кон руската компанија „Технологија“. „Овој тип на машина овозможува да се намали проблематичниот дел во изработка на композитни делови со површина со единечна и двојна закривеност со димензии од неколку квадратни сантиметри до делови со големи димензии, како и производство на делови со променлива дебелина во посебни зони“, се вели во соопштението на компанијата. (Ек.Р.) |
