Олимпискиот дух е ослободен

Почетокот на 30. Олимписки игри беше означен точно во 20:12 часот по локално време, како симбол на годината

Во Лондон свечено беа отворено 30.Олимписки игри. Почеток на Игрите беше означен точно во 20:12 часот по локално време, како симбол на годината. Биг Бен, во таа чест чукаше три минути непрестајно.

Педесетина минути подоцна, на „Олимпискиот стадион“ во Стратфорд, почна церемонијата на свеченото отворање. Програмата, наречена „Островите на чудата“, во режија на оскаровецот Дени Бојл, им понуди на човечките сетила една нова димензија. Сосема различна од грандиозното, галактичко отворање во Пекинг, со многу едноставност, а истовремено полно со традиција, стил, префинетост...

Сценографија на отворањето беше англиска ливата, со селски колиби, со стада од животни и фармери кои го симболизираа англиското сточарство и мирниот селски живот. Но потоа се појавија оџаци и рударски тркала, кои ја симболизираа индрустиската револуција. Од војници, преку ликовите од англиските приказни, до Џејмс Бонд и Мистер Бин, отворањето на Олимписките игри го воодушевуваше и го засмејуваше светото истовермено.



После дефилето на 10 500 спортисти, кралицата Елизабета ги прогласи Игрите за отворени, а потоа се случи и долгоочекуваното палење на огнот. Како што тврдеа организаторите, не беше важно кој го запали туку како. Седум млади спортисти од Британија запалија стотина мали факели кои потоа, високо над сцената се споија во еден голем оган.



Олимпијадата почна, светот е подготвен за нови моменти за паметење, моменти што ќе ја сменат историјата. (В.А.)