27.05.2012, 11:48 Бостон закажа источно финале со Мајами
Селтикси ноќеска во мајсторката на домашен терен ја поразија Филаделфија со 85:75 и ја добија серијата со 4:3 во победи
Кошаркарите на Бостон се изборија за финалето на „Истокот“ од НБА лигата, откако ноќеска во „мајсторката“ на домашен терен ја победија Филаделфија со 85:75.
Со оваа победа Бостон конференциското финале го избори со резултат 4-3 во добиени натпревари. Комплетната стартна петорка на Бостон имаше двоцифрен број поени. Централна личност на натпреварот беше плејмејкерот Раџон Рондо, кој имаше „трипл – дабл“ 18 поени и по 10 скокови и асистенции, Кевин Гарнет дуелот го заврши со 18 поени и 13 скокови.
Кај Филаделфија најдобар играч беше Андре Игудала со 18 поени.
Финалната серија меѓу Мајами и Бостон ќе почне утре навечер, додека вечерва стартува финалето од Западната конференција меѓу Сан Антонио и Оклахома Сити.
|
