Ивановиќ и Кузнецова во второ коло

Српската и руската тенисерка без проблеми ги минаа првите пречки на годинашниот Ролан Гарос

Србинката Ана Ивановиќ имаше убедлив старт во годинашниот Ролан Гарос. Како 13. носителка кај дамите во Париз таа во воведната рунда ја елиминира Арубарена од Шпанија со 6:1, 6:1. Пласман во второто коло оствари и Саманта Стосур (6 носителка) по триумфот над Балтача од В. Британија (6:4, 6:0) како и Светлана Кузнецова, која славеше над Лучиќ со 6:1, 6:3.

Без изненадувања почна и машкиот дел од турнирот. Хуан Мартин дел Потро се пласира во второто коло, но притоа загуби сет во дуелот со Монтањес од Шпанија (6:2, 6:7, 6:2, 6:1). Многу повеќе труд и пот му беа потребни на Швајцарецот Вавринка кому му требаа пет сета (6:3, 6:3, 4:6, 3:6, 6:2) против Италијанецот Чипол�� за продолжување на престојот во француската престолнина.

Резултати од мечевите во првото коло на Ролан Гарос

Мажи: Дел Порто (9., Аргентина) - Монтањес (Шпанија) 6:2, 6:7, 6:2, 6:1; Чилиќ (21., Хрватска) - Муњоз (Шпанија) 6:4, 6:4, 7:5; Фоњини (Италија) - Манарино (Франција) 6:0, 7:5, 6:1; Вавринка (18., Швајцарија) - Чипола (Италија) 6:3, 6:3, 4:6, 3:6, 6:2.

Жени: Стосур (6., Австралија) - Балташа (В. Британија) 6:4, 6:0; Кузнецова (26., Русија) - Лучиќ (Хрватска) 6:1, 6:3; Ивановиќ (13., Србија) - Арубарена (Шпанија) 6:1, 6:1; Кербер (10., Германија) - Жанг (Кина) 6:3, 6:4; Сафарова (20., Чешка) - Јакимова (Белорусија) 6:2, 6:0; Ерани (21., Италија) - Делаква (Австралија) 4:6, 6:2, 6:2;