Качер и Мур

Отворена врска и секс во тројка?

Бритни Џонс (21), која по последните медиумски сознанија се здоби со епитетот љубовница на Ештон Качер, тврди дека актерот и' открил дека тој и сопругата Деми Мур имаат отворен брак и редовно практикуваат секс во тројка, пишува порталот „Радар онлајн“. Џонс посочи дека аферата со Ештон ја смета за нормално однесување кога е во прашање нивниот брак.

„Воопшто не чувствував дека тој ја изневерува сопругата со мене. Се чувствував нормално“, кажа Бритни за магазинот „Стар“. Уште поодамна беа објавени СМС-пораките што им ги праќала на своите пријателки, каде што стојат зборовите дека не треба да веруваат за сето она што ќе прочитаат за холивудските бракови. Исто така, Бритни раскажува дека Деми не се лутела зошто Ештон ја изневерил со неа, туку затоа што имал секс со некоја друга, а таа воопшто не била присутна. „Ештон ми рече дека делат жени, но тој не смее да спие со друга личност доколку ја нема сопругата. Ми објасни за договорот за делење девојки, а често Деми е таа која одбира девојки. На крајот, тој изрази жалење што немал можност да ме подели со Деми“, рече Џонс.

Ештон и Деми со заеднички сили ги демантираа тврдењата на Бритни, а за да и' докажат на јавноста дека се' уште се сакаат, објавија заеднички слики од спалната соба.