17.02.2012, 11:13 Гигантите од Манчестер со победи во Лигата на Европа
Јунајтед со головите на Јанг и Ернандез славеше на гостувањето кај Ајакс, а реваншот на „Олд Трафорд“ би требало да биде само формалност
Манчестер Јунајтед и Манчестер Сити синоќа во првите натпревари од шеснаестинафиналето во Лигата на шампионите забележаа победи и потврдија дека се најголеми фаворити за трофејот.
„Црвените ѓаволи“ со головите на Јанг и Ернандез славеа на гостувањето кај Ајакс, а реваншот на „Олд Трафорд“ би требало да биде само формалност.
„Граѓаните“ со пресврт во второто полувреме дојдоа до победа од 2-1 на гостувањето кај актуелниот шампион Порто. Португалскиот тим дојде во водство во 28. минута, кога Варела на асистенција од Хулк го совлада Џо Харт.Во второто полувреме "граѓаните" направија комплетен пресврт, откако прво во 55. минута дојдоа до изедначување со автоголот на Алваро Переира, а во 78. минута Агуеро и донесе триумф на својата екипа.
Валенсија со прекрасниот гол на Мехмет Топал го совлада Стоук на стадионот „Британика“, додека уште една важна гостинска победа забележа Атлетико Мадрид, кој со 3-1 го победи Лацио сред Рим. Најголемото изненадување во вечерта во која доминираа гостинските екипи го направи украинскиот тим Металист, кој со високи 4-0 го совлада Салцбург во Австрија.
|
