17.02.2012, 12:39 Пад на профитот на банката „Сосиете Женерал“
Француската банка „Сосиете Женерал“ соопшти дека забележала пад на профитот во последниот квартал од минатата година, главно заради изложеноста на грчкиот долг, се наведува во соопштение на банката.
„Сосиете Женерал“ објави дека имала нето профит од 100 милиони евра во текот на трите последни месеци, заклучно со декември 2011 година, што е пад од 874 милиони евра остварени во претходната година и е далеку под пазарните очекувања, пренесоа американските медиуми.
Во соопштението на банката се истакнува дека нејзините квартални приходи се намалени заради отписот на вредноста на грчкиот долг во обврзници во износ од 622 милиони евра, чија вредност е намелна за 75 отсто.
|
