21.02.2012, 15:42 Пронајдена „помлада и посвежа“ Мона Лиза од париската
Посетителите на мадридскиот музеј „Прадо“ можат да ја видат т.н. „Мона Лиза од Прадо“, која како што тврдат експертите е изработена во студиото на Леонардо да Винчи и во исто време кога и оргиналната слика
Шпански кустоси открија првична копија на популарната слика „Мона Лиза“ на Леонардо да Винчи, изработена во уметничко студио на овој познат уметник, на која убавицата со таинствената насмевка изгледа помлада и пораскошна отколку на оригиналот што се наоѓа во парискиот музеј „Лувр“.
Посетителите на мадридскиот музеј „Прадо“ сега можат да ја видат т.н. „Мона Лиза од Прадо“, која како што тврдат експертите е изработена во истото студио и во истото време кога и оргиналната слика.
На мадридската копија на сликата, за која првобитно се веруваше дека е направена могу години по оригиналот, Мона Лиза стоела пред црна позадина, но на реставрираната верзија црната боја е отстранета и посетители сега можат да видат пејсаж од ридови и реките кои наликуваат на деталите од оригиналната слика.
Кустосот од „Прадо“, Мигел Фаломир вели дека верзијата од шпанскиот музеј е „најверојатна прва позната копија на Џоконда“ и дека со експертска анализа е утврдено дека и таа е изработена во уметничкото студио на Да Винчи во исто време кога и оригиналот.
- Таа меѓутоа претставува дело на кое Леонардо подоцна не интервенирал, нагласи Фаломир.
Од 26 март „Мона Лиза од Прадо“ ќе биде изложена покрај оригиналната „Мона Лиза“ во „Лувр“.
На сликата од „Прада“, Џоконда делува помладо и посвежо од онаа во Париз, а пејсажот е побогат.
Заменик-директорот на „Прадо“, Габриел Финлади тврди дека причина за тоа е што сликата од „Лувр“ е „нечиста“. - Кога сликите се нечисти тогаш моделите делуваат постаро, смета тој.
- Ова без сомнение е големо отркитие за „Прадо“. Сликата е многу понтересна отколу што сме мислеле и ни дава можност подобро да го разбереме оригиналот во „Лувр“, рече Финлафи.
Историчарите на уметноста сметаат дека жената на сликата Лиза дел Џоконда е сопруга на трговецот од Фиренца, Франческо дел Џоконда.
|
