Македонецот Стефан Лошковски избран за најубав маж во светот



Покрај наградата „Мистер на светот“, 20-годишниот Лошковски во Перу е избран и за „најубаво лице“

На интернационалниот избор „Mister sea world 2012“ кој се одржа во Перу, македонскиот претставник Стефан Лошковски го понесе првото место.

Покрај наградата „Мистер на светот“, 20-годишниот Лошковски е избран и за „најубаво лице“. Во женска конкуренција, титулата ја понесе Дениз Џорџиа од Еквадор.

Скопјанецот Лошковски е ватерполист во македонската репрезентација и студент на Факултетот за електротехника и информациски технологии.