21.02.2012, 15:26 Одложени преговорите меѓу Приштина и Белград
Претстојниот круг разговори меѓу Белград и Приштина, кој требаше да започне изутринава во 10 часот во Брисел, беше одложен на неопределено време поради доцнење на делегацијата од Приштина.
Европската комисија соопшти дека делегацијата од Приштина, предводена од Едита Тахири, не пристигнала синоќа во Брисел како што беше планирано. Се очекува делегацијата да пристигне во текот на денот.
Белградската делегација предводена од Борислав Стефановиќ, пристигна навремено.
Комисијата не ги посочи причините за доцнењето на приштинската делегација, ниту пак кога ќе може да започне денешниот круг од разговорите.
|
