20.02.2012, 11:26 Три лица загинаа во лавина во САД
Три лица загинаа при одрон на лавина во близина на скијачки центар во американската сојузна држава Вашингтон, соопштија локалните власти.
Првично беше соопштено дека осум лица се водат за исчезнати, но подоцна сите тие беа пронајдени живи.
Инцидентот се случил во близина на ски-центарот „Стивенс Пас“ на планината Каскед, на 130 километри североисточно од Сиетл.
Центарот за предупредување за опасност од лавини во северозападните американски држави вчера предупреди за висока опасност од лавина во областите на над 1.500 метри надморска височина.
|
