19.02.2012, 20:46 Од утре со нови регистарски таблички налик на европските
Министерката за внатрешни работи Гордана Јанкулоска, на презентацијата во „Раде Кончар“, истакна дека новите таблички поседуваат далеку повисок степен на заштита од досегашните и ќе понудат комбинации со што ќе се задоволат потребните во наредните две до три децении
Од понеделник, прво на територијата на Скопје, ќе почнат да се издаваат новите регистарски таблички кои наликуваат на оние што се користат во земјите на Европската унија.
До крајот на неделата табличките ќе влезат во употреба и во другите градови во земјава.
Министерката за внатрешни работи Гордана Јанкулоска, на презентацијата во „Раде Кончар“, истакна дека новите таблички се согласно европските стандарди, поседуваат далеку повисок степен на заштита од досегашните и ќе понудат комбинации со што ќе се задоволат потребните во наредните две до три децении.
- Старите табличките кои се издаваа скоро 20 години, односно од 1993 година заминуваат во историјата, а очекуваме дека со оглед на бројот на комбинации новите ќе се издаваат во ��аредните 30-тина години. За разлика од старите новите ќе имаат четири бројки кои заедно со 20-те букви кои се користат, овозможуваат околу 4 милиони комбинации кои се многукратно повеќе од сегашните, рече министерката.
Цената на новите таблички е како и досега 1.200 денари, со тоа што граѓаните нема да бидат обврзани да ги сменат старите. Постоечките таблички ќе важат и во иднина и не постои законска обврска тие да бидат сменети, освен доколку граѓанинот не сака да го стори тоа.
Новите таблички ќе се издаваат доколку возилото за прв пат се регистрира на територијата на Република Македонија, при промена на регистарско подрачје или при замена на изгубена регистарска таблица, односно како и досега.
Новина е што се воведуваат регистарски таблици означени на поинаков начин по барање на сопственикот. Тие ќе може да содржат најмлаку три, а најмногу девет црни букви и броеви, при што натписот немее да биде провокативен, неетички или спротвен на правниот поредок на Република Македонија. Ќе се прицврстуваат на предниот дел на возилото. Цената за овие таблички е 1.200 евра во денари.
|
