17.02.2012, 10:29 Металург без проблеми против Металопластика
Екипата на Лино Червар, според „Balkan-Handball.com“, имал контрола врз играта и резултатот во текот на целиот натпревар, а отпорот на домаќините го скршиле во второто полувреме (25:17)
Ракометарите на Металург забележаа победа во 14-то коло во регионалната СЕХА лига. Металурзите, во Рума, ја победија Металопластика со 25:17 (10:8).
Екипата на Лино Червар, според „Balkan-Handball.com“, имал контрола врз играта и резултатот во текот на целиот натпревар, а отпорот на домаќините го скршиле во второто полувреме.
Одново брилијантна партија на голот на Металург имал Дарко Станиќ, кој одбрани 14 удари.
Што се однесува до листата на стрелците најефикасен кај Металург бил Козлина со 6 гола, 5 постигнал Стојчевски, Димовски и Левов запишале по 4 гола.
Металург од Рума се сели во Полска, каде в недела, против Висла ќе го одигра натпреварот од деветото коло во Лигата на шампиони.
|
