20.02.2012, 11:11 Шампионот падна во Њујорк, Дурант броеше до 51
Никси предводени од Лин го совладаа Далас (104:97), Оклахома во дербито на Западот го победи Денвер со 124:118
Њујорк во дербито во НБА лигата забележа победа над актуелниот првак Далас од 104:97. Никси до победата ги предводеше новата звезда, Џереми Лин, кој постигна 28 поени на кои придодаде, рекордни во кариерата 14 асистенции. Актуелниот првак го предводеше Дирк Новицки со 34 поени. Њујорчани и без првата звезда Кармело Ентони ја продолжи успешната серија и ја оствари осмата победа на последните девет натпревари.
Најдобриот тим во лигата, Оклахома, во дербито на западот го победи Денвер со 124:118. Натпреварот мина во знакот на Кевин Дурант и Расел Вестрбрук кои постигнаа 75 отсто од поените на Оклахома. Дурент постигна 51, а Вестбрук 40 поени, додека кај Денвер најефикасни беа Арон Афлао со 27 и Андре Милер со 21 поен. Извонредна партија кај Оклахома, пружи и Серж Ибака, кој оствари „трипл-дабл“ од 14 поени, 15 скока и 11 блокади.
Минесота со поените од линијата за слободни фрлања, кои ги постигна Кевин Лав, забележа минимална победа над Филаделфија од 92:91. Лав мечот го заврши со 20 поени и 15 скока, неговиот партнер во центарската линија Никола Пековиќ имаше учинок од 17 поени и 9 скока, додека најефикасен кај победникот беше Рики Рубио со 22 поени.
Дербито на Флорида му припадна на Мајами, кој предводен од 27-те поени на Двејн Вејд, забележа победа над Орландо од 90:78. Леброн Џејмс уфрли 25 поени, на кои придодаде 11 скока и 8 асистенции, додека кај Орландо најпрецизен беше Џеј Џеј Редик со 17 поени.
ЛА Лејкерс против Феникс го запишаа 13-от пораз сезонава, домашниот тим победи со 102:90, а најефикасни беа Жеред Дадли со 25 и Марцин Гортат со 21 поен и 15 скока. Вообичаено кај Лејкерси најпрецизен беше Коби Брајант со 32 поени. Резултати од останатите натпревари:
Резултати: Детроит-Бостон 96:81, Кливленд-Сакраменто 93:92, Индијана-Шарлот 108:73, Њу Џерси-Милвоки 85:92, Хјустон-Јута 101:85.
|
