Архива Контакт Редакција Маркетинг Претплата
Барај
период од-до
-
Онлајн издание
Вести Магазин Спорт
Онлајн Вести
15.04.2012, 11:03
Православните верници го слават Велигден



Православните верници го слават најголемиот христијански празник Велигден - Христовото Воскресение, ден кога Исус Христос ја докажал својата божествена моќ и воскреснал од мртвите

Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургиии.

Овој празник е спој на верата и традицијата, негувана од памтивек, а почнува на Велики четврток уште пред изгрејсонце кога домаќинките ги бојадисуваат првите црвени велигденски јајца.

Оваа црковна традиција потекнува од првиот век по Христа, односно тоа се практикувало уште во времето на светите апостоли - христови ученици и нивните наследници. За тоа ни сведочи Светото предание.

Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение.

Првите хр��стијани и современици на апостолите почнале да бојадисуваат јајца и да ги подаруваат на Велигден, поздравувајќи се со радосниот поздрав Христос Воскресе! На тоа отпоздравувале: Вистина Воскресе!

Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во Воскресението. Оваа практика и до ден денес е запазена во Светото Послание, па верниците со овој поздрав се поздравуваат се до Вознесението Христово, Спасовден.

Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта.

Црвената боја ја претставува божјата сила и моќ, а водено ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта христова и спасението.

Според хронологијата на христовите настани забележани во Евангелието, се знае дека на Велики Четврток, Господ Исус Христос на Тајната вечера ја востановил Светата тајна причест (Евхаристија), земајќи ги за основа лебот и црвеното вино, кои се претвораат во христовото тело и крв. Оваа света тајна - Евхаристија е дадена за спасение на луѓето, а за основа ја има христовата крв.

Затоа црвената боја, симболизирајќи ја христовата крв од светата причест ги украсува велигденските јајца. Како што бојадисаните црвени јајца од Велики четврток се јасна најава за блискоста до Велигден, така и тогаш, на Велики четврток на Тајната вечера, Христос јасно најавил и кажал дека наскоро ќе биде предаден, ќе пострада и ќе воскресне.

Според Светото предание се смета дека Марија Магдалена, една од жените мироносци прва го започнала овој обичај за велигденските црвени јајца.

Се вели дека Марија Магдалена наскоро по Христовото вознесение (Спасовден) го напуштила Ерусалим и тргнала по светот да го проповеда Евангелието.

Во Рим таа побарала да појде и кај римскиот император Тивериј, со цел да му раскаже на царот за Господ Исус Христос. На средбата, таа на царот најнапред му подарила едно црвено јајце и го поздравила со зборовите Христос Воскресе.

Потоа му раскажала за се што учел Христос, за неговите добри дела и чуда што ги правел на луѓето.

Следејќи го нејзиниот пример, првите Христијани започнале да си подаруваат црвени јајца на празникот Велигден и притоа да се поздравуваат Христос Воскресе - Вистина Воскресе!



Статијата е прочитана 494 пати.

Испрати коментар



Џим Јонг Ким избран за претседател на Светска банка
Протест во Скопје поради петкратното убиство
Македонец убиен во Австралија
Сомнителниот „опел“ бил на местото на злосторството
Саркози заостанува во однос на Оланд
Син со нож усмрти татко
„Детонаторот“ во Тетово одзеде 49 покер апарати
Светска банка денеска избира нов претседател
Предупредувања за тројца полицајци
Србите сметаат дека косовската полиција ја нарушува безбедноста
Кацин го осуди убиството на петте лица кај Смиљковци
Пациентите онлајн ќе ги изнесуваат проблемите
Брејвик не го признава норвешкиот суд за легитимен
Чешкиот премиер Нечас во посета на Македонија
Завршија судирите во Кабул, вкупно 47 лица загинаа
(ФОТО) Почна изградбата на нов православен храм во Струмица
Жртвите кај Смиљковци починале од огнострелните рани
Јанкулоска - Пронајдено возило кое било на местото на убиството
Во торнадо во Оклахома загинаа две лица
Србин добил повик за војска на 77-годишна возраст
Правдата ќе ги стигне убијците, порачаа Иванов и Груевски
Европратеничката Фајон со остра осуда на убиствaта
Иванов - Велигден е празник на победата над насилството
Јеремиќ - Случувањата во Македонија се опасен тренд
Внук со нож го убил дедото во Струмица?
НДП - Убиството да не се третира како случај од етничка природа
(ФОТО) Погребани телата на убиените момчиња
Жртвите кај Смиљковци убиени со три типа оружје
Тргување со земјоделски производи преку СМС пораки
ОБСЕ со повик за брза истрага и воздржаност
Пакистан ќе го депортира семејството на Бин Ладен во Саудиска Арабија
Велика Сабота - ден пред воскресението христово

„УТРИНСКИ ВЕСНИК“
ЕЛЕКТРОНСКО ИЗДАНИЕ

  


Site Meter


Време
Скопје, 12°C

Претежно облачно

Вторник
Обилни врнежи
Макс: 19°C, Мин: 5°C

Среда
Обилни врнежи
Макс: 12°C, Мин: 6°C
овозможено од Yahoo! Weather
НајчитаниНајкоментирани

Дневник  | Вест | Теа Модерна | Огласник24

Онлајн издание | Вести | Магазин | Спорт |
Печатено издание | Политика | Македонија | Економија | Хроника | Коментари | Свет | Култура | Спорт | Скопје | Забава | Хороскоп |