Путин негира дека има здравствени проблеми

Рускиот претседател Владимир Путин денеска ги отфрли тврдењата дека има здравствени проблеми, нагласувајќи дека таквите шпекулации им служат на интересите на неговите политички противници.

- Тие гласини им се од корист само на политичките противници, кои се обидуваат да ги доведат во прашање легитимитетот и ефикасноста на власта, изјави денеска рускиот претседател на годишната прес-конференција.

Кремљ претходно ги отфрли тврдењата дека Путин има сериозни здравствени проблеми, кои се појавија откако беше виден како криви додека оди во септември на азиско-пацифичкиот самит, а извор во руската Влада изјади дека рускиот претседател има проблеми со грбот.

На годишната прес-конференција Путин напомена и дека Русија нема авторитарен систем и оти не може да се согласи со тврдењето дека во земјата има авторитаризам.

- Најдобриот доказ е мојата одлука да ја напушта�� претседателската функција по двата претседателски мандати. Доколку сметав дека треба да го изберам патот на авторитаризмот, ќе го изменев Уставот, што немаше да биде тешко, додаде Путин.