„Фејсбук“ на берза со почетна цена од 100 милијарди долари

ЊуЈорк - Како што беше и претходно најавувано, најпопуларната социјална мрежа „Фејсбук“ ќе излезе на берза, а како датум е означен 1 февруари. Основачот на „Фејсбук“, Марк Цукенберг, уште во ноември го најавуваше овој чекор, но досега ниту еден од вработените ниту другите сопственици не сака да ја коментира оваа деловна од��ука.

Според одредени најави, „Фејсбук“ би можел да постигне почетна цена меѓу 75 и 100 милијарди долари. Доколку се случи тоа, ќе биде највисоката иницијативна вредност на некоја компанија во историјата. Досега најголема беше 5,9 милијарди долари, на компанијата „Инфинео“ пред 12 години. За споредба, „Гугл“ во 2004 година вредеше малку повеќе од една милијарда долари, а сега вреди 120 милијарди долари.

Исто така, постои можност една третина од вработените во „Фејсбук“, околу 3.000 лица, да станат милионери откако компанијата ќе излезе на берза.

По овој чекор, „Фејсбук“ ќе мора да одговара пред инвеститорите кои се секогаш „гладни“ за профит. Трговијата со акции, најверојатно, ќе почне за околу три месеци, кога ќе се исполнат сите услови и се заврши со сите потребни документи.