ВМРО-ДПМНЕ

Денеска со став за предвремени избори





22.02.2011, 9:59

ВМРО-ДПМНЕ синоќа одржа седница на Извршниот комитет, а ставот на партијата за распишување предвремени избори и актуелната политичка состојба во земјата се очекува да биде соопштен претпладнево.

На седницата присуствуваа речиси сите членови на Извршниот комитет, но и неколку министри и функционери од извршната и законодавната власт.

Од владејачката партија најавуваат дека се очекува долга расправа за актуелните политички прашања. Пред седницата на Извршниот комитет, што започна околу 22 часот, првите луѓе на ВМРО-ДПМНЕ одржаа неколку подготвителни состаноци.    

Претставници на партијата, по интервјуто на лидерот и актуелен премиер Никола Груевски, денеска информираа дека ВМРО-ДПМНЕ нуди избори што би се одржале во најбрз можен рок. Бојкотот и условувањата од страна на опозицијата, според ВМРО-ДПМНЕ, создале проблеми и притисок што се рефлектираат во целото општество. Ова, велат од таму, требаше да биде година на реформи во судството и администрацијата.

Лидерот на опозицијата Бранко Црвенковски денеска на прес-конференција ја соопшти временската рамка за враќање во Парламентот и барањата што дополнително треба да се исполнат за нивно враќање. НСДП претходно исто така посочија дека ќе се вратат во Собранието откако ќе бидат исполнети условите на опозицијата.