31.01.2012, 14:53 Билетите за Гетеборг во продажба од денеска
Цените на дневните билети се движат од 195 до 495 шведски круни, односно од 1.350 до 3.450 денари
Заинтересираните за бодрење на македонската ракометна репрезентација на квалификацискиот турнир за Олимписките игри во Лондон од денеска ќе можат да купат влезници онлајн.
Како и на Европското првенство во Србија, станува збор за дневни билети, со кои ќе можат да ги гледаат и двата натпревара во секое од трите кола на турнирот од 6 до 8 април во арената „Скандинавиум“ во Гетеборг со 12.044 места за седење. Цените на картите се движат од 195 до 495 шведски круни, односно од 1.350 до 3.450 денари.
Македонија е во група со Унгарија, со Бразил и со домаќинот Шведска, со кои ќе игра по тој редослед, а двете најдобри селекции ќе изборат учество на олимпискиот ракометен турнир во Лондон. (Р.Д.)
|
