Ѕвездата на Клиперси, Блејк Грифин го изведе најатрактивното забивање во досегашниот дел од сезоната
Во најинтересниот дуел одигран синоќа во НБА лигата, ЛА Клиперс го поразија моменталниот лидер, Оклахома Тандер.
Домаќините беа подобар противник во текот на целиот натпревар и на полувремето веќе имаа предност од 18 поени, а на крајот славеа со 112:100.
Предводник на Клиперси беше Крис Пол со 26 поени и 14 асистенции, а Блејк Грифин и учествуваше со 22 поени и 7 скокови. За Оклахома не помогнаа ниту 36 поени од Дурант и 31 поен од Вестбрук.
Ѕвездата на Клиперси Грифин на неверојатен начин, прелетувајќи го центарот на Оклахома, Кендрик Перкинс, со забивање постигна атрактивни поени на синоќешниот дуел. Само 24 часа по атрактивното забивање на Леброн Џејмс, Грифин ги покажа своите способности во едно од најдобрите забивања на годината.
На Перкинс беше очигледно дека му е непријатно по потегот на Грифин, а публиката во салата уживаше во повторувањето на атракцијата.
Резултати: Клиперс - Оклахома 112:100, Вашингтон - Чикаго 88:98, Мајами - Њу Орлеанс 109:95, Филаделфија - Орландо 74:69, Хјустон - Минесота 108:120, Мемфис - Сан Антонио 73:83, Милвоки - Детроит 103:82, Јута - Портланд 93:89, Феникс - Далас 99:122.
