„Бихаќска“ стана „Павел Шатев“



Кафе шема нема да се тера на „Ленинова“, туку, на „Аминта Трети“. Убавиот призор на јапонските цреши наместо на „Максим Горки“ ќе го лоцираме на „Никола Кљусев“

Скопјани уште од денеска можат да почнат да ги учат новите имиња на дел од улиците и мостовите. Засега од речиси тристотини улици утврдено е како ќе се преименуваат 29 улици, два моста и еден парк. Седиштето на СДСМ наместо на „Бихаќска“ ќе се наоѓа на „Павел Шатев“. Кафе шема нема да се тера на „Ленинова“, туку, на „Аминта Трети“. Убавиот призор на јапонските цреши во центарот на Скопје наместо на „Максим Горки“ ќе го лоцираме на „Никола Кљусев“. Во Ново Лисиче нема да поминуваме по мостот „Близнак“, туку, по „Тодор Александров“. По него ќе се преименува и улицата „Салвадор Аљенде“. По Мајка Тереза ќе се прекрсти мостот „Република“ и улицата „Водњанска“, а пак, нејзиното име ќе се избрише од една улица, и наместо по името на најпознатата хуманистка таа сега ќе се вика „Адолф Циборовски“.

Овие утврдени преименувања се, всушност, првата од неколкуте за преименување на улиците во главниот град кои „зелено“ светло се очекува да добијат во четврток на Седница на Советот на Град Скопје. Советниците се очекува да ги одобрат сите утврдени предлози, со оглед и на досегашните одобрени предлог листите благодарение на мнозинството на владеачката коалиција во Советот. (Дс.Т.)

(Поопширно во утрешното печатено и електронско издание)