07.06.2012, 13:53 Нова демократија пак го обвини македонскиот државен врв
Претседателот на Република Македонија Ѓорге Иванов, својот став за реакцијата од Неа демократија го искажа во Мостар. Сакаме само да потсетиме на неодамнешната изјава на претседателот Иванов дека ги очекуваме на масата за разговори, оние кои ќе формираат Влада, кога и да е тоа, што поскоро, тоа подобро”.
Ова е одговорот на државниот советник за надворешна политика на претседателот Иванов, Дарко Костадиновски, на последните обвинувања од одговорниот за надворешна политика на Нова демократија Панос Панајотопулос упатени кон македонскиот државен врв.
Претседателот Иванов прашан за коментар за обвинувањата од Неа Демократија дека тој и премиерот Груевски го дестабилизираат регионот, на 10. УНЕСКО Самит што се одржа изминатиот викенд во Мостар, изјави: „Ако станува збор за изјава на лидер на партија кој заедно со Слободан Милошевиќ пред 20 години црташе нови граници на картите на Балканот, тогаш немам коментар“.
Панос Панајотопулос во последната изјава објавена на веб страницата на Нова демократија за, како што пишува „провокативните изјави на власта во Скопје“ наведува: - „Новите изјави на премиерот Никола Груевски во Скопје и на претседателот на државата Ѓорге Иванов, што се однесуваат на грчко-скопските односи, покажуваат дека режимот останува на линија на бескомпромисност и национализам за проблемот со името. За жал, власта во Скопје не научи ништо, ниту од неуспехот на нивните напори за последниот смит на НАТО во Чикаго, ниту од исходот од претходниот Самит во Букурешт.
Поради тоа, тие ја сносат целата одговорност за ќорсокакот во кој се наоѓа проблемот со името меѓу двете земји, со оглед на тоа што Грција го заврши својот дел и ги презеде сите потребни чекори за да се дојде до трајно и заемно прифатливо решение“, стои во изјавата на Панајотопулос, одговорниот за надворешна политика во партијата Нова демократија на Андонис Самарас.
|
