(ОБНОВЕНО) Активни пожарите во Струмичко и во Василево, локализиран во Ресенско

Пожарот над Струмица, на месноста викана Двата пата е се уште активен. Утрово на терен се 8 пожарникари со три противпожарни возила, како и вработени од Шумското стопанство „Беласица“, ЈПКД „Комуналец“ и Дирекција за заштита и спасување Струмица. Се очекува денеска повторно да се интервенира од воздух со два авиона (канадери).

Од екипите кои вчера интервенираа, како што информира ЦУК, направени се засеци за да се спречи ширењето на пожарот. Во текот на ноќта, на регионалниот пат Струмица – Валандово беа распоредени лица од ТППЕ Струмица, Валандово и Радовиш.

Поради близината на пожарот до патот Стумица – Костурино, синоќа патот беше делумно затворен, односно наизменично беа пропуштани возилата од страна на сообраќајната полиција. Со пожарот е зафатена нова површина на борова шума од пет хектари.

Пожарот меѓу селата Љубојно и Долно Дупени е локализиран.

Синоќа, околу 21 часот, избувна пожар кај село Нивичино, општина Василево. Пожарот е се уште активен, а од раните утрински часови на гаснење на овој пожар интервенираат 10 лица од Шумското стопанство „Беласица“ Струмица.