Двајца турски војници загинаа во судир со курдските бунтовници

Двајца турски војници се убиени, а десетмина други се ранети во судир со бунтовниците на Курдската работничка партија (ПКК) во југоисточна Турција, пренесе турската телевизија Си Ен Ен-Турк.

-Судирот се случи вчера во околината на градот Шемдинли, во округот Хакјари, соопшти валијата на округот Орхам Алимоглу.

Повредените војници со хеликоптер биле префрлени во болница.

Силите за безбедност ги продолжуваат операциите против Курдите во регионот.