Едно лице загина во сообраќајна несреќа во Тетовско

Жител на тетовското село Отушиште загина во сообраќајна несреќа во која сам управувал со патничко возило. Според СВР Тетово, денеска околу 3,45 часот наутро, Јусуф Ј. (74) минувал низ своето родно село со патничко возило „Опел Кадет“ со германски регистерски таблички.

Наеднаш возилото излетало од коловозот, удрило во бетонски ѕид, а потоа во дрвена електрична бандера. Јусуф Ј. со возилото сам одел на утринска молитва во селската џамија. Од ударите се здобил со смртоносни повреди од кои починал на самото место. Полицијата работи на целосно расветлување на случајот.

Ова е четврта жртва во овој месец во сообраќајни несреќи во тетовскиот крај.(Г.Е.)