Борисов: Бугарија ќе стане гасоводен центар на Балканот

Владимир Путин и Бојко Борисов

Со учеството во проектот „Јужен поток“ Бугарија ќе стане значаен стратешки гасоводен центар на Балканот, изјави денеска бугарскиот премиер.

Борисов изрази надеж дека ќе успее да договори пониски цени на природниот гас за Бугарија, откако во Парламентот објави дека се прекинува проектот за нуклеарната централа „Белене“.

Работиме активно на проектот „Јужен поток“ и во него ќе вложиме напори да бидеме добри партнери, истакна Борисов.

Тој нагласи дека турската Влада дала дозвола „Јужен поток“ да минува низ турската економска зона во Црното Море, како и дека во проектот учествуваат значајни европски енергетски компании.

- Нашите планови се до декември 2015 година веќе да тече гас низ „Јужен поток“, а на ист начин очекуваме да се развива и проектот „Набуко“, изјави Борисов.