26.05.2012, 16:03 Тешки кражби во црквите „Св. Петка“ и „Св. Ѓорѓи“ во Младо Нагоричане
Во кумановското село Младо Нагоричане се ограбени црквите „С. Петка“ и „Св. Ѓорѓи“ и притоа е направена штета од околу 40.000 денари. Тешките кражби, според полицијата, се случила меѓу 11 и 21 часот.
Тешката кражба во црквата „Света Петка“ сторителот ја извршил на тој начин што насилно ја отворил влезната врата на црквата и помошната просторија од каде одзел ДВД, буфер со звучници, ситни пари, зејтин и свеќи, се во вредност од околу 10.000 денари.
И тешката кражба во црквата „Свети Ѓорѓи“ е извршена на сличен начин. Сторителот повторно насилно ја отворил влезната врата на црквата и помошната просторија од каде одзел ѕидарски алат и продолжни кабли, во вредност од околу 30.000 денари.
СВР-Куманово превзема мерки за пронаоѓање на сторителот.
|
