Гвардиола се прости од Барса со трофеј во шпанскиот Куп



Каталонците во финалето во Мадрид го совладаа Атлетик Билбао со 3:0

Барселона синоќа го освои 14-тиот и последниот трофеј под водство на Пеп Гвардиола. Каталонците во финалето на Копа дел Реј со 3-0 го совладаа Атлетик Билбао на стадионот „Висенте Калдерон“.

Победата беше осигурана за само 25 минути игра, откако два пати во мрежата на Ираизос погоди Педро, а еднаш во листата на стрелците се запиша и Меси. За Барселона ова беше 26-ти трофеј во Купот на Шпанија, а интересно е тоа што за Билбао ова беше втор финален пораз оваа сезона по оној во Лигата на Европа кога исто така загубија со 3-0, но од Атлетико Мадрид.