21.05.2012, 10:39 Уапсени 45 демонстранти во Чикаго
Најмалку 45 лица беа уапсени во Чикаго, а четворица полицајци се ранети на протестите против дводневниот самит на НАТО.
Според адвокатската група за помагање на демонстрантите уапсени се 60 лица, а најмалку 12 лица се повредени во протестите.
Демонстранците се судрија со полицијата по протестниот марш од паркот во Чикаго кон конгресниот центар во градот, каде се одржува самитот на НАТО.
Масовноста на протестите минатата недела беше под очекувањата. Полицијата соопшти дека во вчерашните протести учествувале околу три илјади лица, а организаторите најавуваа десет илјади демонстранти.
Околу 50 американски ветерани од војните во Ирак и Авганистан демонстративно на улиците ги фрлија своите медали за заслуги, изразувајќи го на тој начин својот протест прот��в војните.
„Се претпоставува дека медалите се за херојските подвизи. Јас не се чувствувам како херој. Не чувствувам дека ги заслужувам“, изјави 28-годишен ветеран од војната во Ирак, кој служел во оваа земја во 2005 и 2006 година. Зал Лапорт се пријавил во армијата на 19-годишна возраст, бидејќи не можел да си дозволи да се запише на факултет и немал друга алтернатива. - Станав очевидец на убиства и апсења на цивили во услови, што би ги нарекол незаконско окупирање на суверена држава“, истакна тој.
Расмунсен: НАТО не се меша во Сирија
Чикаго - НАТО нема намера да се меша во Сирија за завршување на насилството, но ги осудува репресиите на режимот против населението, изјави генералниот секретар на Алијансата Андерс Фог Расмусен, цитиран од светските агенции.
„Ние сме многу вознемирени од ситуацијата во Сирија, но НАТО нема намера да се меша во оваа земја“, рече Расмусен на прес конференција во Чикаго на крајот од првиот ден од самитот на Алијансата.
|
