Џејмс Бонд жртва на семејно насилство

Актерот Роџер Мур откри дека бил малтретиран од двете бивши жени – првата го гребела и го гаѓала со чајник, а другата го удрила со гитара по глава

Актерот Роџер Мур, кој ја има толкувано главната улога во филмовите за Џејмс Бонд, откри дека бил жртва на семејно насилство. Мур бил малтретиран од двете бивши жени – првата го гребела и го гаѓала со чајник, а другата го удрила со гитара по глава.

Гостувајќи во една телевизиска емисија, Мур отворено проговори за бракот со Дурн ван Стејн, со која се оженил во 1946 година, кога имал само 19 години.

Професионалната лизгачка неколку пати го напаѓала, при што го гребела и удирала, а во една пригода и го гаѓала со чајник. Исто така, го удрила и неговиот лекар, кој му ја лечел повредената рака. „Тоа беше промена, бидејќи обично ме тепаше мене“, објаснил Мур.

Мур немал среќа ниту со втората жена, Дороти Скајверс, која го нападнала кога дознала за некое негово неверство. „Често свирев гитара за да избегнам кавга. Еден ден полека свирев и обраќав внимание на тоа што ми го зборуваше. Во следниот момент почувствува дека ме удира со гитарата по глава“, се сеќава Мур.

Пејачката го нападнала и кога дознала дека ја изневерува со италијанската актерка Лујза Матиоли, со која подоцна се оженил. „Дороти ми фрли цигла низ прозорец, а потоа ме грабна за кошулата. Полицијата пристигна и ја предупреди дека раката и' крвави, а таа одговори дека срцето и' крвави“, раскажал Мур.

По два брака со нападни жени и оној со италијанската актерка, Роџер Мур, конечно, е среќен во четвртиот брак со Кристина Толструп.