14.09.2012, 15:57 Ферер победи за водство на Шпанија против САД
На отворањето на полуфиналната пресметката во Хихон, Давид Ферер беше поуспешен од Сем Квери со 3:1
Шпанија поведе со 1:0 против САД, во полуфиналниот дуел од Светската група во Дејвис Купот. На отворањето на пресметката во Хихон, Давид Ферер беше поуспешен од Сем Квери со 3:1. Иако почна одлично, со брејк уште во првиот гејм сепак Ферер застана на 4:2 и потоа, несфатливо, загуби четири игри по ред, а со тоа и сетот (6:4). Сепак, дојде до израз разликата во квалитет, особено на земјена подлога и Ферер не дозволи да загуби ниту еден гејм во продолжение правејќи целосен пресврт. Вториот и третиот сет ги освои со по 6:2, а во четвртиот го заклучи со 6:4. Вториот дуел за финалето го синоќа го играа Николас Алмагро и Џон Иснер. Денеска, мечот во двојки меѓу Мајк и Боб Брајан и Гранојерс и Лопез можеби ќе биде решавачки во конечниот исход.
Во второто полуфинале, меѓу Аргентина и Чешка, се сретнаа Хуан Мартин Дел Потро и Радек Штепанек и Томаш Бердих и Хуан Монако.
|
