13.09.2012, 15:29 Димитриевиќ ја преслуша Барселона
Во полуфиналето на турнирот „Вила де Тодера“, нашиот талент со 17 поени беше најзаслужен што неговиот тим ја порази Барса со 81:76 и се пласира во финалето
На Ненад Димитриевиќ не му беше потребно многу време за да се приспособи во редовите на Хувентуд. Нашиот талент, кој пред неполн месец замина во Бадалона, стана еден од најдобрите играчи во таборот на младинскиот тим на Хувентуд. Во полуфиналето на турнирот „Вила де Тодера“ Димитриевиќ беше најзаслужен што неговиот тим ја порази Барселона со 81:76 и се пласира во финалето. Репрезентативецот во игра мина 23 минути за кои постигна 17 поени, три асистенции и два скока.
Но, во финалето Хувентуд беше поразен од Леида со 89:63, а Димитриевиќ забележа скромни четири поени. Претходно за влез во полуфиналето тој одигра одличен меч против домаќинот Тодера, постигнувајќи 20 поени за 22 минути.
|
