15.09.2012, 16:33 Талат Џафери пред Комисијата ја читаше „Тишина“ од Ацо Шопов
Координаторот на ДУИ, Талат Џафери денешниот бојкот со молчење по Предлог законот за бранителите го почна со читање поезија.
На седницата на Комисијата за труд и социјална политика, Џафери ја исчита „Тишина“ од Ацо Шопов по што членовите на Комисијата заминаа на пауза.
Пред продолжението на седницата, Џафери најави дека до крајот на дискусијата ќе молчи.
Откако неколку денови водеше маратонски седници во зборување, координаторот на ДУИ вчера најави дека својот збор ќе го користи комбинирано, со молчење и со зборување. Во собранискиот Деловник нема одредба која до��волува или забранува како пратеникот да ја искористи својата дискусија - со зборување или молчење.
За поефикасно работење, претседателот на Комисијата Цветанка Иванова реши седниците да траат цел ден и за време на викендот.
Обидувајќи се да го блокира носењето на законот, Талат Џафери пред неколку дена држеше говор 8,5 часа. мч/16:14
|
