Девет цивили загинаа во воздушен напад на НАТО во Авганистан

Авганистански официјални претставници соопштија дека осум жени и девојче се убиени во воздушен напад на НАТО силите во текот на ноќта во источниот дел на Авганистан.

Селаните од областа Алингар ги донеле телата на жртвите пред канцеларијата на гувернерот, изјави портпаролот на властите во покраината Сархади Зевак.

Зевак изјави дека жените и девојчето собирале дрва, во текот на утринските часови, кога загинале во воздушен напад.

Во нападот се повредени седум жени, кои се пренесени во локалната болница, а меѓу нив има и девојче на 10 годишна возраст.

Портпаролот ��а НАТО, Џеми Грејбиел, изјави дека е во тек истрага за обвиненијата, но нагласи дека според првичните информации жртвите во воздушните напади се исклучително бунтовници.