17.09.2012, 15:54 Крвава пресметка на пазар во Струмица
Осумнаестгодишното момче од Штип е тешко повредено од дваесет и деветгодишен жител на селото Баница на кванташкиот пазар во Струмица. Инцидентот се случил утрово околу 5,15 минути. Според досегашните сознанија на полицијата, на крвавата пресметка и претходела вербална расправија меѓу Ј.Ј (29) од селото Баница и У.М (18) од Штип. Во еден момент од расправијата Ј.Ј извадил нож и го прободел штипјанецот во левата страна на градниот кош. Осумнаесетгодишното момче било однесено во Медицинскиот центар во Струмица, но по укажаната помош од лекарите, а поради сериозноста на повредите, било пренесено на клиничкиот центар во Скопје. Мотивот за овој инцидент се уште не е познат. (С.Т.)
|
