Трамвајот ќе стаса во 2013 година

„Скопје следната година ќе добие трамвај. Тендерската документација е веќе завршена, а во текот на овој месец Градот ќе распише тендер“, најави денеска градоначалникот Коце Трајановски.

Се очекува концесионерот кој ќе стопанисува со трамвајот да биде избран до крајот на годината. Тој ќе има обврска да ја изгради инфраструктурата низ градот и да ги набави трамвајските возила.

Градоначалникот информираше дека веќе постојат заинтересирани компании и со неколку од нив надлежните оствариле средби со цел да им го презентираат планираниот проект и да им ги дообјаснат условите од тендерската постапка. Проценето е дека проектот би чинел околу 150 милиони евра, а за негова реализација ќе бидат потребни најмногу три години.