17.09.2012, 14:43 Семејството ја закопа и пепелта на Ејми Вајнхаус
На последното испраќање на пејачката, на кое присуствувале 70 поканети, откриена е и надгробната плоча на Ејми
Семејството на Ејми Вајнхаус, вчера, направило уште еден погреб на музичката ѕвезда, која минатата година, во јули, на 27 години почина од труење со алкохол. Во северен Лондон, нејзината пепел, според еврејските обичаи, ја закопале во синагогата, и така и' обезбедиле вечен спокој.
На последното испраќање на пејачката, на кое присуствувале 70 поканети, откриена е и надгробната плоча на Ејми. Таткото на музичарката, 61- годишниот Мич Вајнхаус, нарачал да се изгравира слика на славеј, покрај кој на саканата ќерка со розови букви е испишан последниот поздрав и роденденската честитка за 29. роденден.
Имено, Ејми, на 14 септември требало да го прослави роденденот, па оваа церемонија, според семејството, е своевидна прослава на „среќниот“ јубилеј.
„Беше наша ќерка, сестра и тетка. Многу ни недостасува, никогаш нема да ја заборавиме...“ - порачало семејството на интернет-страницата на фондацијата „Ејми Вајнхаус“.
|
