Оланд на слепа параолимпијка: „Ви мавтав, но не ме видовте“

Францускиот претседател доживеа несекојдневен гаф, честитајќи го успехот на слепа атлетичарка рече оти и мавтал од трибините, но дека таа веројатно не го забележала

Иако својата популарност кај граѓаните ја зголеми со досегашните мерки за штедење во Франција, шефот на државата Франсоа Оланд овие денови доживеа несекојдневен гаф.

На аеродромот во Париз францускиот претседател ја пречека слепата атлетичарка Ашиу Ел Ханоуни и добро се посрамоти.

Оланд и ја честиташе победата на Параолимписките игри во Лондон, а на нејзиното прашање дали му се допаднала трката, тој и одговорил: „Секако! Бевме воодушевени. Дури и ви мавтавме од трибините, но веројатно не не забележавте“.

На ова збунетата атлетичарка кратко одговорила: „За жал, не Ве видов“.