Хамилтон ја освои Монца

Британецот уште на стартот го држеше првото место, патеката ја мина за време од 1:19.41.221 часа, повеќе од четири секунди пред второпласираниот Серхио Перез

Возачот на Мекларен Мерцедес, Луис Хамилтон, е победник на 13. трка во Формула 1 што се одржа на патеката Монца за Големата награда на Италија.

Британецот уште на стартот го држеше првото место, патеката ја мина за време од 1:19.41.221 часа, повеќе од четири секунди пред второпласираниот Серхио Перез. На третата позиција заврши Фернандо Алонсо кој го држи приматот во генералниот пласман.

По долго време без бодови остана и Ред Бул, бидејќи ниту Себастијан Фетел, ниту пак Марк Вебер не ја завршија трката. Без бодови остана и Џенсон Батон, кој исто поради механички проблеми со болидот на успеа да ја заврши трката.

По триумфот Хамилтон го намали заостанувањето во генералниот пласман, сега има 142 бода, а веднаш зад него е Кими Раиконен со 141 бод, а додека водечкиот Алонсо има 179 бодови.

„Оваа трка беше идеална за мене. Задоволство е да се победи тука во Монца, пред прекрасна публика. Среќен сум за мојот тим, заврши одлична работа“, изјави Хамилтон.