Единаесет години од нападите на 11. септември

Министерот за одбрана на САД, Лион Панета, положи цвеќе на споменикот на жртвите од терористичките напади на 11. септември

Министерот за одбрана на САД Лион Панета го посети Националниот меморијален центар во Пенсилванија, изграден на местото каде се урна еден од авионите, киднапирани од терористите на 11.септември 2001 година и положи цвеќе на споменикот на жртвите.

То им оддаде почит на 40-те загинати лица - патници и екипажот на авионот, со зборовите дека дошол да ја изрази длабоката благодарност на нацијата на „хероите од летот 93“, на „американските патриоти“.

Летот 93 на „Јунајтед флајт“ сообраќаше на релација од Њујорк за Сан Франциско, кога авионот беше грабнат од четворица терористи, кои сакале да го урнат врз Белата куќа или врз Капитол Хил.

Патници и екипажот успеваа да ги спречат грабнувачите во реализацијата на нивниот пеколен план, но авионот се урна крај Шанксвил, во Пенсилванија.

Панета изјави дека луѓето во авионот реагирале одговорно, одлучно и исклучително смело, кога по цена на сопствениот живот ја донеле судбинската одлука да влезат во судир со терористите и да не им дозволат да се нападне Капитол Хил.