10.09.2012, 23:11 Надежите на Македонија не се пласираа во баражот за ЕП
Младата македонска репрезентација вечерва на гостувањето во Крушевац загуби од домашната селекција на Србија со убедливи 5:1
Репрезентацијата на Македонија составена од фудбалери до 21 година не успеа да се пласира во баражот за Европското првенство, откако вечерва на гостувањето во Крушевац загуби од домашната селекција на Србија со убедливи 5:1.
Србите на полувреме отидоа со предност од 2:0, а до крајот разликата од два гола двојно ја зголемија. Единствениот гол за Македонија го постигна Самир Фазли во 77.минута за во тој момент да намали на 4:1.
Со оваа победа Србија ја задржа првата позиција на табелата во четвртата квалификациска група со 18 бодови, Данска е втора со 16 и овие две репрезентации ќе играат во баражот за пласман на ЕП во Израел 2013 година.
Македонија квалификациите ги заврши на третото место со 12 бодови, Северна Ирска освои 4, Фарски Острови завршија на петтото место со 3 освоени бодови.
Жрепката за баражот ќе се одржи на 14 септември во Нион (Швајцарија), а термините за одигрување на натпреварите се 12 и 16 октомври.
|
