27.09.2012, 12:41 Кавани ефикасен за убедлив триумф на Наполи
Уругваецот со хет-трик им донесе победа на наполитанците против Лацио од 3:0
Едисон Кавани одигра ефикасен натпревар во дербито против Лацио и со головите постигнати во 19, 31. и 64. минута му донесе победа од 3:0 и три бода на неговиот Наполи за приклучок на врвот на табелата во Серија А со шампионот Јувентус. Македонскиот репрезентативец Горан Пандев одигра 61 минута.
Младиот Ел Шарави со двата гола против Каљари му ја донесе на Милан втората победа во сезоната, прва на домашен терен. Каљари има учинок од четири порази и едно реми што преставува најлош старт на екипата во елитно��о друштво во последните 80 години.
Идентична победа како Милан забележа Интер, „неро-азурите“, во Верона победија над Киево. Стрелци на головите за екипата на Андреа Страмачиони беа Переира и Киева.
Рома продолжува со променливата игра во првенството, па римјаните на „Олимпико“ одиграа 1-1 со Сампдорија. Гостите во последните 25 минути играа со играч помалку.
Резултати: Пескара – Палермо 1:0, Катанија – Аталанта 2:1, Киево – Интер 0:2, Џенова – Парма 1:1, Милан – Каљари 2:0, Рома – Сампдорија 1:1 и Торино – Удинезе 0:0.
Tабела: Јувентус 13 бодови, Наполи 13, Сампдорија 10, Интер 9, Лацио 9, Рома 8, Фиорентина 8, Катанија 8,...
|
