Осум цивили загинале во воздушен напад на НАТО во Авганистан
Авганистанските власти соопштија дека осум цивили загинале во бомбардирање на НАТО во Источен Авганистан.
Коалициските сили истакнаа дека се информирани за инцидентот и ги истражуваат настаните кои се случиле во провинцијата Пактија доцна синоќа.
Портпаролот на провинцијата изјави денеска дека маж, жена и нивните шест деца се убиени во бомбардирање на коалициските сили во селото Сури Хаил во осум часот вчера вечер по локално време.
Смртта на цивилите кои се жртви на вкрстениот оган во војната, продолжува да биде повод за затегнување на односите меѓу авганистанскиот претседател Хамид Карзаи и меѓународните партнери.
