Гостиварецот Т.А. (56) загинал откако удрил во ѕид со автомобилот кој управувал.
МВР соопшти дека незгодата се случила утрово околу 8.30 часот, на улицата „18 Ноември“ во близина на фабриката "Силика". Според првичните сознанија на полицијата возилото "опел-вектра" изгубило контрола и удрило во ограден ѕид на една куќа.
Како можна причина за несреќата, се претпоставува дека на возачот му се слошило и изгубил свест. Во тек е увид кој треба да ги утврди причините за несреќата.
Во слична незгода пред два дена животот го загуби уште еден гостиварец кому му се слошило додека возел.
