28.05.2012, 10:25 Европско решение на спорот за името
Германскиот европратеник Кристијан Елер и пратеникот во Бундестагот Гунтер Крихбаум во изјава за Дојче веле
На решението на спорот за името треба да му се даде европска димензија, и за него треба да се дискутира зад затворени врати, истакнуваат германскиот европратеник Кристијан Елер и пратеникот во Бундестагот Гунтер Крихбаум во изјава за Дојче веле.
- Мислам дека е се’ појасно оти европско решение не може да биде кратење на правото на Македонија на самоопределување. Тоа би било спротивно на европските вредности. Со сегашната криза во Грција и поврзаноста на целиот Балкан сметам дека шансите за решавање на спорот се зголемуваат. Со едно ограничување, а тоа е доколку во Грција власта ја преземат екстремистичките сили, кои не само што ќе сакаат истапување од еврозоната и скршнување на Грција од Европа, туку со националистичките гледишта - работата уште повеќе ќе ја усложнат. Лично верувам дека иако спорот трае долго, може да му се даде европско решение, а тоа е: самоопределбата на Македонија, а со тоа решение за името кое ниту на една земја не може да и‘ се ускрати!“, изјави европратеникот Кристиојан Елер, одговарајќи на прашањето - како може ЕУ да и помогне на Македонија во спорот со името?
Гунтер Крихбаум, пратеник на ЦДУ и претседавач со Комисијата за европски прашања на германскиот Бундестаг, пак, смета дека за спорот со името мора да се дискутира зад затворени врати за да се дојде до решение.
- Спорот тлее толку години. Затоа е важно на Грција да и’ кажеме дека посакуваме скоро решение, а од друга страна - од Македонија да побараме сигнали наспроти Грција - на вештачки начин да не фрла масло во огнот! Затоа верувам дека кога овие две работи би се случиле, би било можно и доближување на двете страни, зашто една ваква расправија за името во денешна Европа е апсурдна, коментира Крихбаум.
Двајцата германски политичари сметаат дека актуелната криза во Грција и најавите за можно напуштање на еврозоната не треба да го стави ад-акта спорот за името.
- Јас лично малку верувам во шпекулацијата за излегување на Грција од еврозоната. Кога е во прашање спорот за името, сакам брзо да се реши, зашто во суштина и во другите делови од Европа има тешкотии. Кога двете страни би се доближиле, со европска асистенција, поддршка и посредство, можно е тука скоро да дојде до решение, вели Крихбаум.
Кристијан Ерлер оценува дека Европа и доближувањето на Македонија кон неа, односно европските перспективи ќе го решат ова прашање.
- Незамисливо е дека Балканот на долг рок ќе остане надвор од ЕУ. Тој е еден битен дел од Европа. Европското членство е само прашање на време. Со него ќе се реши и проблемот од типот на името. Ваквата состојба е незмисливо да продолжи, изјави Елер.
|
