27.09.2012, 12:47 Атлетико со пресврт до победа на гостувањето кај Бетис
Мадриѓани синоќа во Севиља славеа со 4:2, иако домаќините во два наврати имаа водство
Во заостанат натпревар од 3.коло во шпанската Примера Дивизија, синоќа во Севиља, Атлетико Мадрид го совлада Бетис со 4:2, иако домаќините во два наврати имаа предност.
Салвадор Агра го доведе Бетис во 26. минута со 1:0, изедначи Фалкао две минути подоцна, а со автоголот на Хуанфран домашните на полувреме отидоа со водство од 2:1.
Во вториот дел Атлетико преку Фалкао, Диего Кошта и Раул Гарсиа го направија пресвртот за конечни 4:2.
Бетис натпреварот го заврши со два играча помалку по исклучувањата на Дамиан Перкуш во 47.та минута и Џоел Кембел во 78.та минута.
По оваа победа Атлетико се искачи на второто место на табелата со 13 бодови, два помалку од лидерот Барселона. Бетис остана на шестата позиција со 9 бодови.
|
