Битолскиот театар на „Денови на комедијата“

Народниот театар во Битола денеска со претставата „Покојник“ на Бранислав Нушиќ ќе учествува на 13. Меѓународен ревијален театарски фестивал „Денови на комедијата“ во Куманово. Режисер на комедијата во три чина е Љупчо Ѓорѓиевски, а настапуваат актери од сите генерации. Сценографијата е на Драган Ангелковиќ, костимографијата на Благој Мицевски, музиката на Маријан Неќак, а светлото на Димче Спасевски. (К.Б.)