СДСМ во Неготино, Филипова кандидат за градоначалник



СДСМ синоќа на митинг во Неготино ја објави кандидатурата на Силвана Филипова за градоначалник за претстојните локални избори.

Лидерот на партијата Бранко Црвенковски во обраќањето на собирот рече дека Македонија шест години живее во судир со реалноста, од другата страна на нормалното, и оти системски и опасно се изместени сите стандарди, критериуми, принципи и мерила во општеството.

- Самата вистина е тешка и катастрофална зашто ние сме земја која тоне во сиромаштија и мизерија, земја на невработени, истакна Црвенковски.

За обвинувањата од премиерот и лидер на МРО-ДПМНЕ Никола Груевски за соработката со други опозициски партии, Црвенковски рече дека и Мендух Тачи, и Љубчо Георгиевски, и Љубе Бошкоски, порано биле негови соработници, а сега се нарекуваат криминалци и предавници.

Кандидатот за градоначалник на СДСМ Силвана Филипова рече дека Неготино во 21 век живее со вода од буриња и цистерни вода која граѓаните ја имаат само четири часа дневно.

- На градот конечно му требаат промени и СДСМ повторно да го води Неогитно. Сите незадоволни без старв треба да го кренат својот глас против сиромаштијата и апатијата, рече Филипова.

Претседателот на СДСМ Неготино Васко Стефанов рече дека градот е заборавен како од централната така и од лоаклната власт, не е отоврен ниту еден прозиводствен погон, ниту едно ново работно место. Трета година не е платено грозјето, а доаѓа новата реколта, да се вратат цените од времето на СДСМ кога грозјето имало двојна цена.