23.07.2012, 13:30 Хрватска со царините на ЦЕФТА и по влезот во ЕУ
Веднаш по летната пауза Европската унија во име на Хрватска, ќе ги почне преговорите со земјите од ЦЕФТА, односно соседите на Хрватска, за задржување на нултните или најниски царини за хрватските производи по нејзиниот влез во ЕУ, на 1 јули 2013 година.
Хрватскиот вицепремиер Невен Мимица, кој е задолжен за внатрешните, надворешните и европските работи, за Хравтското радио изјави дека сите компании, а пред сите оние од прехранбената индустрија, кои најавуваа преселување на производствово во БиХ или во Србија, заради престанокот на важноста на правилата на ЦЕФТА кога земјата ќе влезе во ЕУ, сега тоа нема да мора да го прават.
Извозот на хрватските прехранбени компании во земјите од регионот, во добар дел благодарение на нултните или најниски царински стапки во рамки на ЦЕФТА, е вреден 600 милиони куни, околу 80 милиони евра, но според сегашните правила тоа се доведува во прашање со влегувањето во ЕУ.
Мимица објасни дека во Брисел е договорен мандат со Европската Комисија за тоа Хрватска да ги задржи привилегиите. „Мандатот вклучува и обврска преговорите што поскоро да се завршат, а ја вклучува и обврската, доколку до денот на пристапување на Хрватска во членствоот на ЕУ формално не се ратификува протоколот за проширување, тогаш да се договори привремена примена од 1 јули, за Хрватска во одреден период да не се најде во неповолна трговска ситуација“, изјави Мимица.
|
