Доживотен затвор за Џихад Џејн

Американката Колин Лароуз, позната како „Џихад Џејн“, која во 2009 година беше обвинета поради плановите за убиство на шведскиот уметник Ларс Вилкс, предизвикана од неговите карикатури на пророкот Мухамед со тело на пес, се очекува да добие казна доживотен затвор.

Џихад Џејн пред извесно време ги признала таквите планови. Нејзиното признание, се однесува на тероризам, планови за убиство во друга земја, изнесување невистина пред полиција, како и дека украла нечиј идентитет.

Лароуз претходно беше обвинета за поддржување на странски терористи и беше осомничена дека регрутирала исламски фундаменталисти за терористички напад�� во Европа и во Азија.

Таа првпат себеси се нарече Џихад Џејн во едно видео постирано на Јутјуб, во кое вели дека е очајна да стори нешто за да го олесни мачењето на кутрите муслимани.

Скандинавски медиуми јавија дека се очекува пресудата на Лароуз да и биде изречена на 19 декември годинава.